Eveli ar op̆ut̆ e ar badi kort̆u. Badi şuronepe kuyonut̆u. Ar mç̆ita şuroni kuyonut̆u var ak̆ace t̆u.
Mç̆ita şuroni mancura şuronepe şk̆ala var mcumt̆u. Ğoberepe meyoxu komiç̆amt̆u. Mancura şuronepe duʒ̆ves "ğoberepe mo meyoxum komologoxunanen."
Mç̆ita şuroni var niyucamt̆u.
Badi şuronepe mʒika mt̆a meç amt̆u. Mç̆ita şuroni hemuşeni ğoberepe eʒ̆umt̆u.
Mç̆ita şuroni xvala var ort̆u uç̆a şuroni do kçe şuroni kuyonut̆u. Mbura şuroni kogolagutu: Ğoberepe mo eʒ̆um deyi mi niyucaset̆u. Mç̆ita şuroni ar ndğa xolo ğoberepe eʒ̆umt̆ u. Uk̆aşxe badi moxt̆u uç̆a şuroni konok̆oru.
Mancurani ndğa gale var gamvalu mek̆oreri kort̆u. Ham dulyaşa eni zade guri na mvalu do guri na cat̆u oxorişi berepe ort̆es.
Ar ndğa him lazuri op̆ut̆ e mcora cedusi berepe kokik̆orobes. Mç̆ita şuronişi toçi meʒ̆eniyoney serende tudele dvompules.
Uk̆aşxe badi gigoru mç̆ita şuroni var ort̆u.
Berepe uneneli ibit̆es. Badi koxvoʒ̆onu berepe ceç̆ u.
Dida dvoşletinu berepe.
Mç̆ita şuroni xeleri serende tudele keʒ̆axet̆ u. Mç̆ita şuroni,
-berepe şeni ar mutu dop̆a ya
ntxirepe omç̆esu komiç̆u. Heko zade mtuyi iyet̆u.
Him op̆ut̆ e berepe xeleri git̆es.
Mcora kocedu dort̆u.
Kincepe ʒ̆iyamt̆ es, sifterepe putxut̆es.
Mati hinişi op̆ut̆ e na biç̆inam şeni xeleri bort̆i.
Mç̆ita şuroni xolo mç̆eşusi va mişkun.
Ç̆e berepe mcita şuroni kogaziresi? uç̆itxitu mtuyepe imç̆eseni. Serende parpa kuğun.
Tkva mu it̆urtu?