Ç̆iç̆it̆a Evni(Avni) do Semaxati(Semaati) da do cuma t̆es. Entepe zenişa ides do gulurt̆es.
Zenis pukirepek p̆icepe muşi kogonʒ̆k̆ereet̆es do şura kogoxtereet̆u iri k̆ele. İxi golubaruş k̆ule pukirepek şi şi şiya do mutepeşi ağarğalus kogöç'k̆es:
-Mu renya, muş oğarğalu ren, mutxani qucis gemasvenya? Nk̆itxu ç̆iç̆it̆a Avnik(Evnik), Semaxetis(Semaatis):
-Aya pukirepek zop̆onan! Ntku Semaxetik, - ʒ̆ilit ʒ̆ilit pukirepe, xes dikaçitya! – Dido megomskvasinonan (gamskvanenan).
-Doguronişa mendamiğatya, k̆olek̆ʒia(k̆oleksiyoni) doqvit(qvit)! -kodigurit çkini skidala! -Oxoʒ̆onit mi ren tkvani dosti duşmaniya(mt̆eriya)!
Avnis(Evnis) dido axelu do t̆aşi t̆aşi t̆aşiya do oxorinus kogoç̆k̆u.
Avni do Semaati dido eyna meyna pukirepe doʒ̆iles, oxorişa mendiğes, doxomines do dogureni şeni zenis na renan pukirepeşi k̆oekʒia(k̆oleksiyoni) doqves.