Sersepe ranʒ̆k̆alu doguronis...
Xeleberi berepe defteri do supara(svara) xes dokaçeri unk̆ap̆ut̆es ar sinifişen majuranişa.
K̆arta k̆lasiş(sinifiş) nek̆nas kart̆ali konunʒaxut̆u. Çkini sinifiş nek̆nas menʒaxeri(nʒaxeri) na ren kart̆alis aşo nç̆areri t̆u:
Amaptişk̆ule ma kobz̆iri çkimi goʒ̆oneri manebrape(megabrepe). K̆artak(mtelik) muşi svas kodoxedu do aʒ̆i arti karti(kati) muşis mapxas(monç̆inoras) na qves oʒ̆irapan.
Rizak, germas na skidurnan(skidunan) skindinapeşen mgeri, mtuti, munçkvi, meli do k̆venuriş dido mskva k̆et̆i uğun do ek lemşis ʒigeri(meʒigeri) çkva do çkva peroni parpalepe, mç̆acepe, bobonç̆vape do ç̆eşidi ç̆eşidi buzulepe doxomineren.
Nadiyek, k̆oçi ka'yi na meçaps tipepeşi k̆olek̆ʒia(k̆oleksiyoni) qveren.
Manti tutunis na konadagen munt̆urepeşi suretepe(resmepe) do tipepeşi k̆olek̆ʒia berepes voʒ̆irap.
Mapxas(monç̆inoras) mu p̆it do mu bz̆irit artikatis vuʒ̆umert̆it.
-Aşo gevoç̆k̆it oguruşi ʒ̆anas!