Lazuri Leksepe - Lazca Şiirler

Lazuri

Sotxa vida

Nana-çkimiş guris pupuli vore
Gyuli-çkimiş guris zarbe ar ç̆vini
sotxa vida ç̆vini ek memiqonun

Bgara miçkin gomoç̆k̆ondu xeleba
Var mşuns aʒ̆i xeleberi birapa
Sotxa vida bgara ek memiqonun.

Ar t̆oroci doğuru oxori-çkimis
Ar qoropa doğuru a guri-çkimis
sotxa vida ğura ek memiqonun

Şuri işamilaps dopskidur xvala
Cuma-çkimi ar izmoces doskidun
Sotxa vida ek miti var miqonun.

Türkçe

Nereye Gitsem

Annemin yüreğinde yarayım
Gülümün yüreğinde güçlü bir acı
Nereye gitsem acıyı oraya götürüyorum

Ağlamayı biliyorum unuttum gülmeyi
Hatırlamıyorum mutlu bir şarkıyı
Nereye gitsem ağlamayı oraya götürüyorum.

Bir güvercin öldü evimde
Bir aşk öldü bu yüreğimde
Nereye gitsem ölümü oraya götürüyorum

Canım çıkıyor, kalıyorum yalnız
Kardeşim bir rüyada kalıyor
Nereye gitsem orada kimsesiz kalıyorum.

Malerse / Şair

Sinan Badişi
Çeviri: Sinan Badişi

Lazuri

Gyuli

E oput̆eş rak̆anişa var malu
Ak̆o jile ar kyoi iqven-i?
Gyuli-çkimi şura ek kodoskidu
A kyoi na-dodgu emus ti mvostu

Burgilepe var momoqu moyşali
E rak̆anis mitişeni var yevlur
Ma mqorop na sin akon moxti
Dğa diçodu tuta kyois gijoxen

P̆ark̆alepe camiyes kamisvares
Baba-skani hen ʒ̆oxle kododgitu
Nanaskani maz̆agireşis ren-na
Boxça skani yezdi do ma komomixti.

Aʒ̆i p̆ia muntepe gegalenden
Ar oras-ti man gomişinap-i?
Doğuraşi cennetişa var galen
T̆axeri guri-çkimi var miʒ̆ori-na

Ma govikti çkva var mevuxondur
Mitxa imsifon emuk gamagiqonas
Uk̆ule na ibgara kyari varen
Guri svas kva giğun-i e gyuli?

Türkçe

E Gülüm

O köyün tepesine çıkamadım
Bu kadar yukarda bir köy olur mu
Gülümün kokusu orada kaldı
Bu köyü kim kurduysa kafası kopsun

Ayaklarım yürümedi, vazgeçtim
O tepeye kimse için çıkmam
Beni seviyorsan sen buraya gel
Gün bitti, ay köyün üstüne oturuyor

Erkekler camiye girdi sırayla
Baban en önde durdu
Anne komşuda ise
Bohçanı al da bana gel.

Acaba şimdi ne hayal ediyorsun
Bir an için de beni hatırlıyor musun?
Ölünce cennete gidemezsin
Kırılmış kalbimi onarmazsan

Ben döndüm artık dayanamıyorum
Kimi düşünüyorsan o evlensin seninle
Sonra ağlamak kâr etmez
Kalbinin yerinde taş mı var e gülüm?

Malerse / Şair

Sinan Badişi
Çeviri: Sinan Badişi

Lazuri

Namu nena vigura skanda noğarğaluşa?

Mendra t̆i
Mot var viç̆vat̆i
Dopstibi
Dopstibişi iz̆iʒap̆t̆i
İbgart̆i-i!

Tolepe kayemakyoru
Skani oz̆iramuşa
Mp̆ala doviqvi
Sin k̆qorop otkumaluşa
Qvart̆a vort̆işi
Skanda noxtimaluşa
Var mulut̆i-i?

Muç̆o itkven a monk̆a k̆omadera
So didven namu tkvala
namu mç̆vimak geças
A çkimi k̆urağobas
Var mç̆vip̆t̆i-i?

Namu tkvalaten ak̆omaden
Ar Eskimos mjora
Mu iʒ̆iğarğals
Çyolis ar xişiri ntoli
Otxo dro uğun ar ʒ̆alonas vore
Varen akon tkvala
Ok̆omadu otkumaluşa

Moxtik̆on aʒ̆i
Skanda nontximuşi
Xe miğun-i?
Mutxa ptkva uk̆oreps ar ç̆it̆a
Vibgarana, domoskidu-i çelamurepe?
Mşkorineri vore-i?
T̆et̆eli vore-i?
Ok̆omadu skaniten momotvi!

Türkçe

Hangi dili öğrensem sana konuşmaya?

Uzaktın
Niye yanmayacaktım
Sustum
Sustuğumda gülüyordun
Ağlar mıydın?

Kör oldum
Seni görmeye
Lal oldum
Seni seviyorum demeye
Topalken
Sana gelmeye
Gelmeyecek miydin?

Nasıl anlatılır bu ağır özlem
Nereye koymalı hangi kelimeyi
Hangi yağmur vursun
Benim kuraklığımı
Yağmayacak mıydın?

Hangi kelimeyle özler
Bir Eskimo güneşi
Ne mırıldanır
Çölde bir kum tanesi
Dört mevsimi olan bir memleketteyim
Kelime yok burada
Özlemi anlatmaya

Gelsen şimdi
Sana dokunmaya
Elim mi var
Ne desem biraz eksik
Ağlasam, kaldı mı gözyaşlarım?
Aç mıyım?
Çıplak mıyım?
Özleminle ört beni!

Malerse / Şair

Sinan Badişi
Çeviri: Sinan Badişi

Lazuri

Skidala

Beroba k̆vinçoba ren, sotxaşa gaputxinas
Uk̆ule na-melare
Çkva-ti mo yegadginas

Qoropa ar zuğa t̆u, mtel çxomepe ekon t̆u
Ar çxomis var ançviren
Zuğak çxomi doʒ̆amu

Çilona araba t̆u, jur xociten igzalt̆u
Ar xoci kododgitu, majurak-ti nocant̆u
Arabak çkva var igzals, xocik xoci doʒ̆amu

Skidala ar evleği, ora mani mik̆ilu
Bergi gemaçet̆uşa, sira-çkimi mik̆ilu
Aʒ̆i p̆ark̆i mik t̆axas?

Türkçe

Hayat

Çocukluk kuş olmaktır, nereye uçabilirsen
Sonra ki düşeceksin
Bir daha kalkamayacaksın

Aşk bir denizdi, bütün balıklar oradaydı
Bir balık yüzemiyor
Deniz balığı öldürdü

Evlilik arabaydı, iki öküzle yürürdü
Bir öküz durdu, öbürü dayanıyordu
Araba artık yürümüyor,öküz öküzü öldürdü

Yaşamak bir evlek, vakit çabucak geçti
Kazmayı vurana kadar, benim sıram geçti
Şimdi mısırı kim kıracak?

Malerse / Şair

Sinan Badişi
Çeviri: Sinan Badişi

Lazuri

Gondineri

Dido gzalepes vidi
Skanda var gamamalu
Sin ğomanci çkimi t̆i
Aʒ̆i sontepe galu

Mtviri e p̆ici-skani
Çkva mintepek giz̆iru
Buli t̆it̆viri-skani
E mintepek gintkiru

Malu do mo momalu
Mendra gzas gilapskida
Skani oqoru şeni
Namu zuğas vişkvidi

K̆qorop-ya miʒ̆umelt̆i
Aʒ̆i mendraşa idi
Xe çkva mitis var memtxi
Skani let̆aşa vidi

Bğura dolomangonu
Uskane var mağuru
Bgara dolomangonu
Uskane var mabgaru

Gyuli gela komoxti
İdi dğa domiğuru
Serepes gilapskidi
Mjora kagomindunu

Nana guri gemç̆ven
Mu mağodu ma aşo
Nana ma xvala vore
Guri-çkim domapaşu

Mu ptkva iya var miçkin
Pukiri-çkim domintkiru
Nana si so doskidi
Xepe kamemontkiru

Türkçe

Kayıp

Çok yollardan gittim
Sana çıkamadım
Sen dün akşam benimdin
Şimdi nerelere gittin

O kar gibi yüzünü
Başka kimler gördü
Kiraz dudaklarını
O kimler soldurdu

Gideyim de gelemeyeyim
Uzak yollarda kalayım
Seni sevmek için
Hangi denizde boğuldum

Seni seviyorum diyordun
Şimdi uzağa gittin
Elimi başkasına sürmedim
Senin toprağına gittim

Ölmeyi düşündüm
Sensiz ölemedim
Ağlamayı düşündüm
Sensiz ağlayamadım

Gülüm lütfen gel
Gittin günüm öldü
Gecelerde mahsur kaldım
Güneşim kayboldu

Anne yüreğim yanıyor
Ne oldu bana böyle
Anne ben yalnızım
Yüreğim parçalandı

Ne söyleyeceğimi bilmiyorum
Benim çiçeğim soldu
Anne sen nerde kaldın
Ellerim soldu

Malerse / Şair

Sinan Badişi
Çeviri: Sinan Badişi

Lazuri

Ok̆ortua

Pontuli maxaruşi nanak kogemiburu
Gurişi xarelepe mik aʒ̆i gemiburas
Muç̆oniten iburen xareli guri?

Mç̆vimak let̆a şolups eşo çelamurepe Dovobği
Let̆as cape kayextu , guris ar pavri varen
Muç̆oniten işolen k̆uraği guri?

Skidalaşen maşgurinu şuri kodolomilu
maqaqi na-yelaps eşo yebli do gebli
şkurinaten kak̆omilu guri-çkimi

Qoropaşen maşkurinu mteli skani gurine
Ar k̆oçişa ak̆o ç̆vini monk̆a varen-i?
Oğmalu kak̆omirti e gyuli-çkimi

Türkçe

Paylaşma

Pantolonum yırtıldığında annem yamadı
Yüreğimdeki yırtıkları şimdi kim yamasın
Nasıl yamanır yırtık yürek?

Yağmurun toprağı ıslatması gibi gözyaşları döktüm
Toprakta ağaçlar çıktı, yüreğimde bir yaprak yok
Nasıl ıslanır kurak yürek?

Yaşamaktan korktum soluğum kesildi
Kurbağa gibi zıplayıp zıplayıp düştüm
Korkudan çatladı benim yüreğim

Sevmekten korktum hepsi senin yüzünden
Bir adama bu kadar acı çok değil mi?
Yükümü paylaş e gülüm benim

Malerse / Şair

Sinan Badişi
Çeviri: Sinan Badişi

Lazuri

Ont̆k̆obinace

Seri t̆u ma pstibişi
Mç̆vimak mentxu izmocepes
Nciri doğuru
Ʒudi t̆u oʒ̆k̆omile skani

Var uçkit̆u tolepe skani soren mç̆vimas
Dop̆k̆itxi
Komepçi ar qini seri t̆u
İxis a guri çkimi

Vibgart̆i
İnadine ar tkvala t̆u qoropa
T̆emt̆et̆eli t̆u ç̆vini

Ok̆vaşxe k̆alabaluği unuşkumalu
Gamapti gzaşa
Kagomindunu izmocepe
Muperi k̆alabaluği vort̆i vana
Maşkurinu
Ar k̆at̆us komişamt̆k̆obi

Türkçe

Saklambaç

Geceydi ben susunca
Yağmur dokundu rüyalara
Öldü uyku
Yalandı bakışların

Yağmur bilmiyordu gözlerin nerede
Sordum
Verdim soğuk bir gecede
Rüzgara yüreğimi

Ağlıyordum
İnadına bir kelimeydi aşk
Çırılçıplaktı acı

Ardımda kalabalık bırakmadan
Çıktım yola
Kayboldu düşlerim
Ne kadar kalabalıktım oysa
Korktum
Bir kediye saklandım

Malerse / Şair

Sinan Badişi
Çeviri: Sinan Badişi

Lazuri

Megnini

Muruʒxepe zuğas var dilint̆ren-na
A kianas ak̆o mot mevak̆idit
K̆oçi p̆ʒ̆amit, 3udi doptkvit ğirt̆u-i?

Parpalepes muk̆o ʒ̆ana uğunan
Xolo toli ok̆vaşxe var dvoskides
Berepe na-nobarapan ogni-i?

Nanaş guris k̆urşumi mot doloz̆in
Çkin xolo-ti k̆oçi ya do govulurt
Emuş guri, qoropaşi vart̆u-i?

Ğormotik çkin xoma muşeni momçes
Stibun emus nena-muşi dolvoxʒu
Saği-xolo memabares nagni-i?

Türkçe

Anlama

Yıldızlar denize sığmıyor ise
Bu dünyaya bu kadar niye sarıldık
Adam öldürdük, yalan söyledik, değer miydi?

Kelebeklerin ne kadar ömrü var
Yine de gözleri arkada kalmadı
Çocukları gömüyorlar duydun mu?

Ana yüreğinde kurşun niye duruyor
Biz yine de adam diye geziyoruz
Onun yüreği sevginin değil miydi?

Tanrı bize sesi ne için verdi
Susanın dili çürüsün
Yaşarken gömdüler bizi anladın mı?

Malerse / Şair

Sinan Badişi
Çeviri: Sinan Badişi

Lazuri

Man qoropaten mʒ̆ami

Ma qoropaten mʒ̆ami
Skani xeten dobğura

Dğa qoropaşi dğa
Guris dolomiz̆in kva
Ma qoropaten mʒ̆ami
Dğa qoropaşi dğa

Şuri muperi mskva ren
Skani xes gez̆it̆aşi
E şuriten ma mu p̆a?
Xe skanis var skiraşi

Ek̆o mendra mo nulur
Xes piştovi met̆k̆oçi
Mot gokaçun xes xami
Ğura çkimi ginon-na
Man qoropaten mʒ̆ami

Türkçe

Beni sevginle öldür

Beni severek öldür
Ellerinden öleyim

Bugün sevginin günü
Yüreğimde taş duruyor
Beni severek öldür
Bugün sevginin günü

Can ne kadar da güzel
Senin ellerinde dururken
O canla ben ne yapayım?
Ellerinde kurumayınca

O kadar uzağa gitme
Elinden at silahı
Niye tutuyorsun elinde bıçağı
Ölmemi istiyorsan
Beni severek öldür

Malerse / Şair

Sinan Badişi
Çeviri: Sinan Badişi

Lazuri

Stveli

A muperi stveli ren
Kamebli pavri steri
Let̆as çkar pavri varen
Ak-ti xvala vore-i?

Zarbe ilabars ixik
Ma caşen kamemt̆k̆oçu
Ar-ti zarbe qini ren
Guris gemiz̆in mtviri

A muperi stveli ren
İri-xolo ren mç̆ita
Şuri minduxtu let̆as
Aʒ̆i sira mişi ren?

Mç̆vimak çkar var imsifons
So meblap, mi işolen
İxis nosi var uğun
Gurp̆icis ʒ̆ori xami

A muperi stveli ren
So idu nana-çkimi
So ides cumalepe
A muperi qini ren

Guri oqinoreli
Pukiris şura var uğun
A muperi stveli ren
İri-xolo kodibğu-so dibğu?

Türkçe

Sonbahar

Bu ne biçim sonbahar
Düştüm yaprak gibi
Toprakta hiç yaprak yok
Burada da yalnız mıyım?

Güçlü esiyor rüzgar
Beni ağaçtan düşürdü
Bir de güçlü soğuk var
Yüreğimde kar duruyor

Bu ne biçim sonbahar
Her şey kırmızı
Canı gitti toprağın
Şimdi sıra kimde?

Yağmur hiç düşünmüyor
Nereye düşüyorum, kim ıslanıyor
Rüzgarın aklı yok
Göğüste bıçak gibi

Bu ne biçim sonbahar
Nereye gitti annem
Nereye gitti kardeşlerim
Bu ne biçim soğuk var

Yürek buz
Çiçeğin kokusu yok
Bu ne biçim sonbahar
Her şey döküldü-nereye döküldü?

Malerse / Şair

Sinan Badişi
Çeviri: Sinan Badişi

Lazuri

Aʒ̆i mendrapes re

Aʒ̆i mendrapes re do ar vava dolomit̆ruxun doloxe
Ar donanma monk̆a do qini
Dido bomba dido k̆urşumi iri-xolo doloxe-çkimi
Aʒ̆i mendrapes re do var uğun a zuğas cumu!

Dojangeren franguli, aya çkimi guri ren
Furt̆unas mişant̆k̆obun doloxe-çkimiş barzili
Tolepe kyori, qucepe t̆ura, a çelamurepe ren çkimi
Aʒ̆i mendrapes re do ma var miğun xe-çkimi!

Türkçe

Şimdi uzaklardasın

Şimdi uzaklardasın ve bir gölge kırılıyor içimde
Bir donanma, ağır ve soğuk
Yüzlerce bomba, binlerce mermi hepsi içimde
Şimdi uzaklardasın ve bu denizin tuzu yok!

Paslanmış asma kilidi, bu yürek benim
Fırtınaya sığınıyor içimdeki deli
Gözlerim kör, kulaklarım sağır, bu gözyaşları benim
Şimdi uzaklardasın ve yok elim!

Malerse / Şair

Sinan Badişi
Çeviri: Sinan Badişi

Lazuri

Zuğauçaş sursa şeni

Nena diçodu
İri-xolo dostibu
Zuğas jin kva nulut̆u!
İzmoce t̆u-i mʒxade?
Çxomi germas gulut̆u!

Guris makinak igzals
Şur yezdips, kva dolodvals
Z̆iʒxiri diqu uça
Kogyodves zuğa-uça

Mtini uça re aʒ̆i
So z̆iri coxo-skani
E uru zuğa-uça
Mtini uça re aʒ̆i

Calepe gegodgit̆u
Ʒ̆ori bozopeş toma
Tomalepe dogibğes
Xolo giğun-i xoma!

Sin midak̆ʒ̆k̆edaşi
K̆oçis nosi uxtep̆t̆u
Mu gağodu sin aşo
Gurp̆ici mik gixaru!

Şuri işulun aʒ̆i
Sin midak̆ʒ̆k̆edaşi
E uru zuğa-uça
Mtini uça re aʒ̆i!

¤¤¤¤

Gomoç̆k̆ondu miçkit̆u mutxa xomape
Mendra vort̆i muşen var miçkin
K̆vinçepe mik̆ilapan k̆ata ğura iqvaşi
Xoma var uğun çkartis
Varti çelamure ibgart̆anşi

Zuğa k̆ala gilabdgir
So uğun amus şura
İxi ren var ixink̆ans ar pavri
Muperi daçxiri ren amus so uğun k̆oma

Zuğape do let̆apek svalepe kagiktires
Aʒ̆i zuğas ca gedgin
Rak̆anis gulun çxomi
Çelamure diçodu, mitik var ibgars aʒ̆i
ne zuğas şura uğun, ne rak̆anis mp̆ula

Aʒ̆i akon bgara ren
Ti-çkinis gevobgarat
Ğura çkini kobz̆irit
Muç̆o, so mevibarat

Xes mutu var doskidu
Ne oxori ne gyari
Qoropa muperi t̆u
İya so idu aʒ̆i

Guytasu iri xolo
Ar bgaras kodobdgidit
Çkar çelamure na-varen
A muperi bgara ren

Türkçe

Karadeniz otoyoluna

Söz bitti
Herşey sustu
Denizin üstünde taş yürüyordu!
Rüya mıydı, gerçek mi
Balık dağda geziyordu!

Yürekte makine yürüyor
Can çıkarıp taş koyuyor
Kan siyaha döndü
Adını Karadeniz koydular

Gerçekten karasın şimdi
Nereden buldun adını
Ey gidi Karadeniz
Gerçekten karasın şimdi

Ağaçlar duruyordu tepende
Kızların saçları gibi
Saçlarını kestiler
Yine çıkıyor mu sesin

Sana bakınca
İnsanın aklı gidiyordu
Ne oldu sana böyle
Göğsünü kim yırttı

Can çıkıyor şimdi
Sana bakınca
Ey gidi Karadeniz
Gerçekten karasın şimdi

¤¤¤¤

Unuttum bildiğim bütün sesleri
Uzaktım,neden bilmiyorum
Kuşlar geçiyor her ölüm olduğunda
Sesi yok hiç birinin
Ne gözyaşı ağladıklarında

Deniz kenarında duruyorum
Nerde bunun kokusu
Rüzgar var, kımıldamıyor bir yaprak
Ne biçim ateş bu, bunun nerde dumanı

Denizler ve topraklar yerlerini değişti
Şimdi denizde ağaç dikili
Tepede geziyor balık
Gözyaşı bitti, kimse ağlamıyor şimdi
Ne denizin kokusu var,ne tepenin dumanı

Şimdi burda ağlama, cenaze var
Kendimize ağlayalım
Kendi ölümümüzü gördük
Nasıl nereye gömülelim

Elde bir şey kalmadı
Ne ev ne yemek
Aşk nasıl bir şeydi
O nereye gitti şimdi

Dağıldı her şey
Bir ağıta durduk
Hiç ki gözyaşı yok
Bu ne biçim ağıttır

Malerse / Şair

Sinan Badişi
Çeviri: Sinan Badişi

Lazuri

Mutxa ginon moğodi

Mcve ar oxori steri vore, mobğaldi
İxi ilabaraşi, memilaps turğulape
Gomoç̆k̆ondu hentepe k̆ata turğula
Entepeti içodenan, vana ma movikter-i?

Camepe kaget̆ruxu, iya skani toli ren
Ek̆na kagemit̆ruxu, aya ren guri çkimi
Boyape kodomabğu, a-ti nunk̆u çkimi ren
Kodibğu k̆eremindi, a-ti çkim tomalepe!

Miti na var muk̆ulun, akon gza içoden-i?
K̆vinçepe na var mulunan, entepes mu voğodi?
Mindaxti oxorca-çkim, oxori kamomikti
Ma bğurur e ğormoti, mutxa ginon moğodi!

Türkçe

Ne istersen yap

Eski bir ev gibiyim, yoruldum
Rüzgar esince dökülüyor tuğlalarım
Unuttuğum şeyler her tuğla
Onlar da bitiyor, yoksa ben yıkılıyor muyum?

Camlar kırıldı, o senin gözlerindir
Kapım kırıldı, bu yüreğimdir benim
Boyalarım döküldü, bu benim yüzümdür
Kiremitler döküldü, bunlar benim saçlarım!

Kimse ki geçmiyor, burada yol bitiyor mu?
Kuşlar ki gelmiyor, onlara ne yaptım?
Gittin kadınım, evimi yıktın
Ben ölüyorum e tanrım, bana ne istersen yap!

Malerse / Şair

Sinan Badişi
Çeviri: Sinan Badişi

Lazuri

Var mindaxta

Toli-çkimik var z̆irop̆t̆u uskane
Si gz̆iruşi muruʒxepe koz̆iru
Var mindaxta, mo vikyoret̆a xolo

Quci çkimik var ognap̆t̆u uskane
Skani xoma ognu k̆vinçepe kvognu
Var mindaxta, mo vit̆uret̆a xolo

Guri-çkimi var k̆ank̆alt̆u uskane
Si k̆qoruşi parpalepes konagu
Var mindaxta mo bğurut̆a ma xolo

Türkçe

Gitme

Gözüm görmüyordu sensiz
Seni görünce yıldızları gördü
Gitme, kör olmayayım ben yine

Kulaklarım duymuyordu sensiz
Senin sesini duydu, kuşları duydu
Gitme, sağır olmayayım ben yine

Yüreğim titremiyordu sensiz
Seni sevince kelebeklere benzedi
Gitme, ölmeyeyim ben yine

Malerse / Şair

Sinan Badişi
Çeviri: Sinan Badişi

Lazuri

Varmiğun

Guris yulun k̆omaşi
Şura ren şura skani
Yemapşer viç̆va eşo
Guris re ida eşo

Aya skani vava ren
E na tolis momatu
Çkva mutu var maz̆iren
Si re kiana-çkimi

Mindaxti
Mindaxti do
Var domoskidu skanden gale mutu
Ar xvala si miqonur
Var miğun başka mutu

Türkçe

Bende yok

Yürekte çıkan dumanın
Kokusudur senin kokun
Doluyorsun içime yandıkça ben
Yürektesin gittikçe

Bu senin gölgendir
Ki gözlerimi kapatan
Başka bir şey göremiyorum
Benim dünyam sensin

Gittin
Gittin ve
Kalmadı senden başka bir şeyim
Bir tek “sen”im var
Yok başka bir şeyim

Malerse / Şair

Sinan Badişi
Çeviri: Sinan Badişi

Lazuri

Ğomanci si giqondi

Ğomanci si giqondi.

Xolo var moxti
Skani maʒ̆onu mulun
Mutxa vavape.

Skanden maʒ̆onu mulun
Mutxa xomape.

Xvala vort̆i,
Var vibgart̆i,
Birapape mulut̆u çkimda.

Mipaşup̆t̆es gurişi
Var it̆axu svalepe.

Skanda vidi
Oxori skanişa
Ar xoma vogna ya do
Mutu var tkumelt̆i
Xvala t̆i,
Var ibgart̆i sin ti.

K̆at̆u t̆u skani k̆ala
Xvala emuk ibgart̆u.

Türkçe

Seni bekledim dün gece

Seni bekledim dün gece.

Yine gelmedin
Sensin sandım bana gelen
Tüm gölgeleri.

Senden sandım gelen
Tüm sesleri.

Yalnızdım,
Ağlamıyordum,
Şarkılar geliyordu bana.

Parçalıyorlardı gönlümün
Kırılmamış yerlerini.

Sana gittim
Senin evine
Bir sesini duymak için
Hiçbir şey söylemiyordun
Yalnızdın,
Ağlamıyordun sen de.

Kedi vardı yanında seninle
Yalnız o ağlıyordu.

Malerse / Şair

Sinan Badişi
Çeviri: Sinan Badişi

Lazuri

Guriş-gale

Guriş-gale bars ixik
Şuri ç̆uburiş makudulis
Kagundunes artimajura
Guri do oqoropus
Varti si re akonaşi, varti armitik mibirs

Punt̆u k̆oçepe voret
Doloxe moçoderi
Akolen idişen doni

Akolen idişen doni
Bgarape guriş-gale
Sarp̆uli ar ç̆ink̆a gulun
İri-xoloşi gale

Mk̆ule ç̆ink̆ape voret
Kuçxepe oxokteri
Voret skanişi gale

Türkçe

İsteksizce

İsteksizce esiyor rüzgâr
Can, kestane ağacının tepesinde
Kaybettiler birbirlerini
Yürek ve aşk
Ne sen varsın burada ne de bana şarkı Söyleyen

Çürük adamlarız
İçi boşalmış
Sen gittiğinden beri
Sen gittiğinden beri

Ağlamalar yürekten değil
Sarplı bir cadı geziyor
Her şeyin dışında

Kısa cadılarız
Ayakları dönmüş
Hepimiz senin dışında.

Malerse / Şair

Sinan Badişi
Çeviri: Sinan Badişi

Leksepe Şiirler

Ç̆emu Çupina

¤ Cuma
¤ Oncğore Gaay
¤ T̆işi-Sk̆ani
¤ Ar Si Ar Ma

Helimişi Xasani

¤ Ç̆e biç̆i quci momçi
¤ Moleni Lazi
¤ Xopurepes
¤ Ʒ̆ori Nenape

Mecit Çakırusta

¤ Opute Şk̆imi

Nedim Tormanişi

¤ Duzceşen Birapape
¤ Duzceşen Birapape

Nurdoğan Demir Abaşi

¤ Kogiçkini Var Miçkin

Selma Koçiva

¤ Zuğauça
¤ T̆işuça
¤ Lazuri Nusa

Sinan Badişi

¤ Sotxa vida
¤ Gyuli
¤ Namu nena vigura?
¤ Skidala
¤ Gondineri
¤ Ok̆ortua
¤ Ont̆k̆obinace
¤ Megnini
¤ Man qoropaten mʒ̆ami
¤ Stveli
¤ Aʒ̆i mendrapes re
¤ Zuğauçaş sursa şeni
¤ Mutxa ginon moğodi
¤ Var mindaxta
¤ Varmiğun
¤ Ğomanci si giqondi
¤ Guriş-gale

Ʒ̆ate Ʒ̆at̆uri

¤ Şk̆u Gondineri Vorert!

Ç̆emu Çupina

¤ ¤¤¤
¤ ¤¤¤
¤ ¤¤¤
¤ ¤¤¤

Helimişi Xasani

¤ Kulak ver delikanlı
¤ Berideki Laz
¤ Hopalılara
¤ Kısa dörtlükleri

Mecit Çakırusta

¤ Köyüm

Nedim Tormanişi

¤ ¤¤¤
¤ ¤¤¤

Nurdoğan Demir Abaşi

¤ ¤¤¤

Selma Koçiva

¤ Karadeniz
¤ Garip
¤ Laz Gelini

Sinan Badişi

¤ Nereye Gitsem
¤ E Gülüm
¤ Hangi dili öğrensem?
¤ Hayat
¤ Kayıp
¤ Paylaşma
¤ Saklambaç
¤ Anlama
¤ Beni sevginle öldür
¤ Sonbahar
¤ Şimdi uzaklardasın
¤ Karadeniz otoyoluna
¤ Ne istersen yap
¤ Gitme
¤ Bende yok
¤ Seni bekledim dün gece
¤ İsteksizce

Ʒ̆ate Ʒ̆at̆uri

¤ Bizler Kaybedenleriz!

29 Kʒala 2026 - Cumaçxa
İNDEX Anasayfa Sözlük LZ & TR Şiirler Laz Yer Adları Atasözleri Yön, Zaman Dua & Beddua Bilmeceler Mâniler Laz Müziği Laz Horonları Laz Şarkıları Müz.Türleri Gramer Önsöz Gramer İndex Sayfa 1-48 Lzr.Nç̆ari Çeviri Telaffuz Laz Ad'ları Zoo.Bot K̆vinçepe Mzgudape Skindinape Çxomepe Bobolape Sitede Ara