Opute şk̆imi
Mana dobirini
Opute şk̆imi Dutxe
Sk̆anda mendra bore
Ma p̆oli bore
Mendra dobsk̆udi sk̆anda
Si giç̆indrare do mogiğare deyi
Moft̆i p̆olişa
Nak̆u ʒana iyu kogişk̆un
Vamemalen
Sum ʒanaşi xut ʒanaşi ar memalen
Xe do kuç̆xe domik̆oru p̆oli
Dido gamau, dido gomaen İri sk̆ani
Koç̆epe sk̆ani, Berepe sk̆ani
Pucepe sk̆ani, Livadepe sk̆ani
Cermape sk̆ani, Rak̆anepe sk̆ani
Bere bot̆işa na bimç̆it̆i
Abcape sk̆ani
Mpulape sk̆ani, Mç̆imape sk̆ani
Ar tuta diyen do na variziren Mcora sk̆ani
Mcora sk̆ani ar tuta nak̆u fara gazin
Mza na vagazin Mp̆ulate
Dido aoropen Opute şk̆imi
Mp̆ula do Mç̆ima
Vanaşk̆uman p̆ot̆e
Vanaşk̆valinenan, şxuman, mbonuman
Opute şk̆imi
Gomaşinasi bereburaşi eşope
Şk̆imi guri koxomak̆enen
Na miğuru eşope şk̆imi
Abazaşi Osmani
Memoğoli Riza
T̆uxina İlyasişi Fevzi
Xalik̆anuri Ebaşi Nezmi
Kru Helimişi Mecidi
Mok̆ik̆i Şabani Ali
Eça ndğalepe...
Bere bot̆işa, p̆alikari bot̆işa
Na gobit̆i Dixap̆e
Dido gamau
Celayesk̆uri, Ç̆umayida, Ç̆irina
Zendi, Mt̆axori, Xalik̆ana,
Omcore, Muxudoni, Xok̆vati,
Pote vagomoç̆ondru
Vagomoç̆ondrasen
Nana Dixa, Şk̆imi opute.

Ç̆emu Çupina

Helimişi Xasani

Mecit Çakırusta

Nedim Tormanişi

Nurdoğan Demir Abaşi

Selma Koçiva

Sinan Badişi

Ʒ̆ate Ʒ̆at̆uri